Монгол Улсын Засгийн газар 2021-2024 оны үйл ажиллагааны хөтөлбөрт “Цахим үндэстэн” болох зорилт тавин анхаарал хандуулан ажиллаж байна. Энэ ажлын хүрээнд төрийн үйлчилгээг цахимжуулж, хүртээмжийг сайжруулах, иргэдэд ойртох, төрийн байгууллагын хүнд суртал, авлигыг бууруулж, ил тод байдлыг сайжруулахад чиглэсэн алхмыг авч хэрэгжүүлж байна. Үүний хүрээнд бид иргэн төвтэй дижитал удирдлагын цогц мэдээллийн технологийн үйлчилгээг үзүүлж байна. Манай мэдээлэл технологийн баг нь төрийн салбарын дижиталчлалын түншийн хувьд орчин үеийн удирдлагад шаардлагатай мэдээллийн технологийн дэд бүтцийг төлөвлөх, хэрэгжүүлэх, ажиллуулахад агентлагуудыг дэмжиж ажиллаж байна.